Chawlhni (1/12/2013) ka Hmang hlawk

SUALIN KA LO THI TA

Sualin ka lo thi ta, beiseina nei lovin,
Mahse ka Lalpa chuan saltangte min rawn zawng,
A thisen thianghlima silfai ka ni;
Van Jerusalem thar ka tan a buatsaih.

Chorus:
Hmangaihna tawp neilo ka Chhandamtu Ropui,
Lei leh van kara Remna Palai I ni si;
Heti ema hmangaihna hi thuin ka hril senglo,
Hlim leh lawma zaiin ka fak zel ang che.

Hrehawm sawi rual loh chu kan tan a lo tuar a,
A vuakna vualah chuan tihdam ka lo ni ta,
Thiamloh chan ka hlaulo ka lung a awi;
Thiam min chantirtu chu Kriasta a ni si.

Ka rochan Lal Isu nang chauh ka bel ang che,
Thleibik reng nei lovin ro te min rel saka,
Ka hlimna nang I ni, ka mawina chu,
Engdang zawng aiin Lalpa ka hmangaih che.

Tukin IMEM-ah ka ngaithlaa ka mittui a tla sawk mai – “Hmangaihna tawp neilo ka Chhandamtu Ropui” Helleluiah. A kal hma lua ani Buonglienkung.

Zanah Sermon ngaihnawm tak ka ngaihthla bawk kan Biak In-ah.

BIBLE SUNDAY PUAL SERMON – Rev Zaihmingthanga

Thuhma: Bible Sunday hi World AIDS day pawh a lo ni. Bible Translation chungchang ah Shillongah kum 6 zet ka zu awm ve a. Bible Society for Northeast din te rawt ani thin a, Northeast lama hmalak chak beisei avangin. Bible translation tawng 50 chuang hmasawn lemlo a lo awm reng bawka. Kum 6 zetah chuan tawng chi hrang 39 kan lo zo thei reng mai. Midang thawh kan chhunzawm kha a rah kan seng ani. Pathianin min tanpuina a lo ni reng mai. World Record te kan siam reng mai hi a lo ni a.

Bangkok-ah min interview a chutah chuan Mizo te zinga Kristianna thlen hma leh hnu sawi tur ten min ti a. Kan changkan phah em tihte pawh min zawta. Chhan a nuamin sawi tur a tam hle mai. Hemi kan hlawhtlin viau hnu hi chuan Northeast tana Bible Society din chu a ri leh ta lo a ni. Arunachala Mizi hnam nena thawh ho kan tumna pawh khirh takin New Testament translation bul kan tan thei ta ani. Mizote kan vanneihna chu Kristian kan nih hma (1899 hmalam) khan Luka leh Johana leh Tirhkohte Thiltih bu kan lo neisa reng mai. Hlabute kan nei zui bawk. Kan missionary hmasa te an fakawm hle mai hi kan vanneih bik em em na chu a ni. 1917-ah Thuthlungthar kan nei ta. 1959 khan Bible pum kan nei ve ta ani. Heng zz hi Pathian khawngaihna ani.

Bible kan neih azarah hian lehkha zirna lamah hma kan sawn phah em em ani. Tunah chuan ATC-ah pawh Dth a zir theih ta reng mai. Pulpit Bible kan nei tel ve zel ta bawk. Kum 2000-ah Mitdel Bible kan nei a. 2004-ah Naupang Bible kan nei a 2008-ah Mizo Study Bible kan nei bawk. Audio Digital Bible hi release mek ani a Rs 800 man ani. Kan vannei ani tihbak hi chu sawitur a awm lo.

Arunachal Apatani ho hnenah kan hruaia. Chumi zawhah Sikkim-ah kan kalpui leh a Lepcha tawngin kan buaipui leh bawka Finland Bible Society te nen. An kum 200-naah min sawma, An Bible hmasa ber Helsinki-ah min entira bakah hmun tamtakah thusawina hunte min pe a. Kan translation hnathawh mekte kan han sawia mak an ti hle mai. Northeast tawng 210 zinga hmabak kan la ngah zia te kan zuk sawi zel bawka.

UBS World Report thar berah chuan Bible pumpui hi tawng 500 velin kan neia. Thuthlungthar hi tawng 2000 zetin kan nei. Chutih laiin tawng 6000 chuang a awm si. Hmabak a ko hle, lehlin zel hi a tuah em em ani. India ramah tawng 68 in Bible pum kan nei 272 in Thuthlungthar kan nei chutih rualin tawng 1652 awma ngaih ani si. Tawng 300 talin nei ila kan huamzau deuh ngei ang. Bible lehlin chhung hi a rei duh khawp mai kum 3-5 a ngai. Thuthlunghlui phei hi chu kum 10-15 lai a ngai ani. Kokborok hmanni lawka kan release kha kum 30 zet lehlin nan a duh ani. Bible lehlin man hi a hautak em em ani. Hmar Bible nikum khan Halflong-ah ka released a Rev Thiek an zawta a senso zat tam a tih hle thu a sawi.

Mipui 5000 hrai thu: Mathai Marka Luka ten an ziak veka an ziak pawh a inang tlang khop mai. Lal Isua leh a zirtirte Galili kamah an buai hle mai. Chawl hahdam turin an hruai hrang ve a. Galili dil kam hmun fianrial lam an pana Bethsaida an han thlen khan mi tamtak an lo awmsa reng mai. Vaukam a chhuah khan Thu a hril leh ta ani. “Kei zawng nun an neih nan tamtak an neih nana lokal ka ni” tih kha a sawi ta ani. Vengtu neilo beram angah a ngai ani. Khua a lo tlai a Zirtirte an mang ang ru ani. Thlaler hmunah an eitur zawnga kaltir an rawta Lal Isua chuan “Eitur pe rawh u” a ti mai ani. Naupang chhangper 5 leh sangha ro 2 kha van lam ena lawmthu a sawi hnu ah a semtir ta a, a la bang teuh leh nghal. Mizoram maktaduai khat hian maktaduai Sing-a-sing hi eitur kan pek a ngai ani. Buhfai lam hi chuan kan chawm dawnlo kan kham pawh kan tharlo. India ram mamawh kan pek theih chu Pathian Thu Bible hi a ni.

Bible lehlin lamah hian midang eitur pek kan ba ang ani tih hi Pathian thuchah ani ang ka ti ani. Hei tluka hlu hi pek tur dang kan nei lo niin ka hria. Bible Society tan hian tan lak zual a ngai hle mai.

Pathian Thu hian thil a tithei khandaih hriamtawn ai pawhin thil a ti thei ani. Zimbabwe-a Bible semtu Kamparani khan Bible a sema Mathai Marka Luka kha a chhiara, meizial atan a zu ta zela, Johana 3:16 erawh chu a zu thei ta hauhlo. Pathian hmangaihna sawia thuhriltu a lo ni ta ani. Pathian Thu hian thil a tithei hle ani. Kan sawi ve miah lova kan thawh avang hian khawvela thil hlu ber mi kan present a lo ni.

Bible thu hian kan nun khawih sela. Tunhunah hian India rama Bible lehlin hmabak atan kan thusawi Lalpan malsawm rawh se.

Advertisements

One thought on “Chawlhni (1/12/2013) ka Hmang hlawk

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s