C. Lalzarmawia Chanchin

I TA KA NI CHATUAN ATAN

KA THUPUI BER

Ramtiam lam panin chak lo tak chungin, nitin ka kal a,
Mahse Aw Lalpa chim buaitu an tam em, ka kal thiam lo
Setana’n nitin min bei, Nangmah kal bosan turin
Mahse chakloh ber lai paw’n, ka peng ngam lo
Lalpa Nangin min chelh tlat rawh.

I ta ka ni e, chatuan atan
Ka thiamna, finna zawng te
Lalpa I tan a ni
Hei hi ka thupui ber, Nangmah fak hi.

Tunah Aw Lalpa hei hi ka hria a, lawmthu ka hrilh che
Ka thlinloh anga Nangin min pawm in, min lo duh si
Ka sualna zawng zawng te hi, mite’n hre reng thin mahse
Lalpa Nang erawh chuanin, I theihnghilh si
I hmangaihna ka fak fo vang.

C.Lalzarmawia Chanchin : To be inserted

KHAWNGAIH CHHANDAM

Upa V. Thangzama ka patea a lo lenga, Zoramchhani leh David Vanlalpeka te’n a hlaphuah an sak dan chanchin min rawn hrilh a. YouTube atangin kan ngaithla duna a hla thu awmzia te min hrilh bawk a. Hla tha tak rhyme mumal fe mai a lo phuah leh reng mai hi ka chhuang khawp mai. He hla chang tawp tlar-li hi amah hneh em em tu anih thu min hrilh bawk.

KHAWNGAIH CHHANDAM

Hun hlimawm ber a thleng dawn ta,
Khawngaih vanga chhanchhuah te tan;
Kan lei hun chhiar a kim dawn ta,
Khualzin te lawma kan chawlh nan.
Kawng tluana min hruaitu ber chuan,
Kawng chin a hria kawng min hawn ang,
Ka zin hla hlui a tawp hun chuan,
Khawngaih chhandam hla ka sa ang.

Lal hmaah kei ka lan hun chuan
Min hriat ang hian ka la hria ang,
Chhandamtu hmel ka hmuh hun chuan
Khawngaih chhandam hla ka sa ang.

Kan damchhung nun hahthlak takah,
Thlipui leh sualna hrang karah,
Hlim taka kal a va harsa;
Mahse ka hnaih zual hahdamna,
Zai la ka thla, zai kawng tluan la
Min khawngaihtu’n min hruai zel e,
Chawimawina ni a chhuak dawn ta,
Hmachhuan lui ral kan kai kai dawn e.

Kawng tawp a lang thei rii riai e,
Hla mahse min hruaitu ka hria,
Amah ang thian ka tawng lo’ng e;
Tu hriat sen loh min hmangaih zia!
He kawng zawha hliam leh tlu te
Mittui nena zawh zo tute;
Hnehtu chanvo, an lo pek ang,
Krista zarah ka chang ve ang.

Ka Article Hlhui kan bel ang e –

July 21st, 2009 9:39 am by mzvision 

July ni 20 zan dar 7:00pm khan Dawrpui Vengthar KTP ten Kan Kohhran Upa, Upa V.Thangzama pualin hun kan hmang a. He hunah hian kohhran mipui leh vengpawn lam atangin. He hun minlo hmanpui leh hlutpuitu mi thahnem tak an tel a ni.

He hunah hian Upa V.Thangzama hlaphuah leh lehlin te,a chanchin ngaihthlak na hun leh chawimawina Thuziak hlan te leh Upa V.Thangzama hla te sa in hun hman a ni a, a hlaphuah 6(paruk) leh a lehlin 1(pakhat) Zaithiam ten sa in Live Music hmanga rem a ni. A hla sa tu te:

1) Solo :Nl Baby Malsawmtluangi  –  Ka Zaichhan Isua (1975 a a lehlin)

2)Solo :Nl Lalhmangaihi(sini)    –   Siamtu zai ngai mai rawh (Chord rem mawi tak 1977 a phuah)

3)Solo :Tv Lalfakawma (Faktea)  –  Naktuk thu ka hrelo 

4)Duet :Nl Zohmangaihi(tete-i)&Tv C.Lalmuankima  –   Khawngaih Chhandam (VTZ Master piece tih mai chi)

5)Trio :Nl.Lalhmangaihi(sini)Tv Lalfakawma(Fakte-a)Tv Lalmuanpuia Hnamte (buddy) – Engkim thawthei zai se (VTZ 1977)

6)Kohhran Zaipawl :     Zanriah Hnuhnung (Sakrament hla mawi lutuk a phuah)

Heng bakah te hian Kristian Hlabu a a hla lehlin leh a phuahte hmangin mipui zaihona kan nei bawk a ni a, Van Aw Mawi Ri Chu Ngai Ru tih a hla phuauh sa in hun hi khar a ni.

V. THANGZAMA CHANCHIN

Pian leh Murna : Zanina a puala hun kan hman tak Vanchhawng Thangzama, Upa V. Thangzama tia hriat lar hi kum 1935, March ni 23 khan Ngopa, Lalzidinga Sailo Lal khuaah a lo piang a. Ngopa khua hi a hmaa Khawdungseia awm leh a kiang Chiahpui khua lo ni tawh Sailo Lal Hrangchhuana khaw mite vek an ni.

Ngopa lal hi chu a fapa Lalzidinga a ni a, lalte zinga matric pass hmasa ber a ni. Shillong-a zir chhuak leh Assam milian hmelhriat pha a niin sawrkar duhsakin Middle School pawh a hawng nghe nghe a ni. Upa V. Thangzama pa hi Upa Vanthuama (L) a niin a nu chu Laichhungi(L) a ni. An unau hi sawm niin mipa 4 leh hmeichhia 6 an ni.

Kum 1960-ah Pi Vanlalengi d/o Rangkunga, Dawrpui Veng nen inneiin fa panga-mipa 4 leh hmeichhia 1 an nei a. Kum 1972 khan kan veng, Dawrpui Vengtharah hian rawn pem lutin, tunah hian a fa leh tute nen Compound khatah an khawsa mek a, kan vengah hian a nu leh pa pawh vuiliam an ni lo tawh nghe nghe a.

Zirna/Thiamna Lam : Primary School hi Ngopaah a kal a, a thiam thei pawl niin pakhatna a ni thin. Middle School pawh Ngopaah tho a kal a, High School erawh Mizo High School, Mc Donald Hill, Aizawlah a kal thung a. Hemi hnu hian I.Com. (Intermediate of Commerce, tuna 10+2 kan tih hi) Imphal-a college hawn thar, D.M. College-ah a kal a. B.Com erawh City College, Calcutta-ah zirin kum 1958 khan a zir chhuak a.

Hnathawh (Sawrkar Hna) Lam : Kum 1959, October ni 20-ah Govt. Higher Secondary School, Aizawlah Commerce zirtirtuin a thawk tan a, he hna hi 1961 thleng a thawk a. Hemi hnu kum 1962 khan Assam Civil Service-ah a lut a.

BDO-in Mamit, Saitual leh Nowgong & Garo Hills-ah te a thawk a. Sub-Divisional Planning Officer, Tura District (Assam) a ni tawh bawk a. Hemi hnu, Mizoram U.T. a lo nih khan Assam Civil Service atangin Mizoram Civil Service-ah inletin Under Secretary leh Deputy Secretary-in department hrang hrang kum eng emaw zah a enkawl a.

Extra Additonal Commissioner leh Addl. District Commissioner hnate a chelh tawh a. Tin, Lunglei D.C. pawh a lo ni tawh a. Department hrang hrang (LAD, Sericulture, Administrative Training Institute leh Relief & Rebabilitation)-ah te Director-in a awm tawh bawk. Mizoram Publice Service Commission din a nih khan Secretary hmasa ber a ni bawk. Hmun hrang hrang – Mizoram chhung leh pawna sawrkar hna a thawh hnuin kum 1994, January ni 1 khan a pension ta a ni. A pension hian sawkara kaisawina tawp (Super Time Scale) a thleng hman a ni.

Khawtlanga Rawngbawlna : Lehkha a zir laiin zirlai pawl hrang hrangah hruaitu a ni tawh a. CYMA lamah pawh Tum hnih lai Vice President a lo ni tawh a, Lunglei Sub-Headquarters YMA-ah President a ni tawh bawk. Hmun hrang hranga sawrkar hnathawka a awmna apiangah theihtawpa khawtlang tana thawk mi a ni. Tin, kan veng YMA-ah te pawh O/B hna a lo chelh nual tawh a. Heng bakah hian zirnain a kaihhnawih hrang hrang board/organisation-ah member a ni tawh a.

Rawngbawlna Lam : A pianna khua Ngopa atangin lehkha zir leh hnathawka a awmna khaw hrang hrangah kohhran rawngbawlna lam a ngaipawimawh thei hle a, a bikin zaipawl rawngbawlna lamah a thawh hlawk hle. January ni 29, 1978 khan Upa atan thlantlin a niin October ni 8, 1979 khan Chhimthlang Presbytery Inkhawmpui West Phaileng Kohhran Biak Ina neihah Moderator Upa Lalrammawia’n Dawrpui Vengthar Kohhran Upa (Sawmna) atan a nemnghet a.

Lungleia sawrkar hna thawka a awm, kum 1984-85 bawrah Baptist Kohhran lam Assembly Lunglawn a nghah chuan kohhran ramri an thiat thut mai a, hetih hun laia Presbyterian ‘Upa Ordained’ awmchhun a nih avangin Presbyterian Kohhran ding tir leh Bial siam thara Chairman hmasa ber atan ruat a ni a. Zoram pawna hna a thawh laiin Zoram Pawn Mizo Kohhran Upa a ni tawh bawk.

Kohhrana chanvo pawimawh a chelh hrang hrangte :- 1) Tualchhung Kohhran : Tualchhung kohhrana chanvo a chelh hrang hrangte chu sawi vek sen a ni lova,kan kohhran upa min ber a ni tih chu kan hre tlang awm e. 2) Bial Level : i) Chairman hna tum khat a chelh tawh. ii) Nomination Committee Member. iii) Standing Committee Member tum thum. 3) Presbytery Level : Standing Committee tum hnih. 4) Synod Level : i) Music Committee Member tum thum. ii) Social Front Committee Member kum hnih. iii) Kristian Hla Bu Ennawn Sub-Committee kum thum.

Hla Lama A Sulhnu : Thu leh hlaa mirila sawi a ni naa tawngkam erawh a thiam vak bik lo, thu leh hlaa a thiamna chu hla thu hmangin a puang mai thin. Sawi aia ziak leh phuah lama talent nei tha a ni. Hla phuah mai bakah a thluk siam, lehlin leh Intihsiaknaa endik lamah a thawh hlawk hle a. A hla phuahte hi Zoram dung chhuak khawpa lar pawh a awm nual a. A hla phuah leh a phuah dan chu kan sawi vek seng lo a.

Hla hi Pathian Hla – 30 vel a phuah tawh a; Ramngaih Hla – 5 vel leh English – in 3 a phuah tawh bawk. Heng bakah hian a sulhnu – A thluk siam, lehlin a nei nual bawk a, a hla phuah thenkhat hi Kristian Hla Bua seng luh leh puipun nia sak chite a ni hlawm. Zoram huapa Thu leh Hlaa a larna hi zanin hian kan lawma kan chawi sang a ni lo, hetianga Zoram-in mirila a neih zinga kan Kohhran Upa a tel pha hi kan chhuanga, zanin hian a pualin kan theih ang tawkin hun kan buatsaihsak mai zawk a ni.

Zanin hian a hla phuahte hi kan theih ang/thiam ang tawkin kan sa a, a hla thute hi hla thu ngun lo a nih laiin Hla Thu ‘Poetic Word’ a hmang thiam hle a,ing euh deuha a rem laiin hriatthiam a awl hle a ni.

mzvision : Dawrpui Vengthar KTP in damlai ngeia an Upa chawimawina hun an hmang hi hmangchang an hria-in tihdan trha zawk tintuah-a ruahman-a chawimawi phu te chawimawi zel  nachang  min tihhmuhtu lo nise tih duhna rilru neiin ka han post a ni e. Ka lawme.

Upa V.Thangzama hla thluk siam Rebecca Saimawii’n a phuahtu Upa Lalthankima hriatrengna atana a sak hi ngaihthla ila, V.Thangzama class a hriat theih ang.

Tawngtaina

by VL Neihthangi (Nunui)
1. Aw ka Lal Isu ka tawngtai ngaithla la
Min kalsan suh min tungding la min pui la
He lei hausakna leh ropuina ten
Ka van kawng ka bo min phal suh ang che.

Chorus:
Isu min hruai zel ang che
Misual dum ber min rawn tlan ta si
Khawvel suala bo hnu
Van hmun ropui min rawn chantir leh ta
Ka fak ning lawng che Halleluia
.

2. Sual kawng zawha ka pen bo phal suh la
Sual tura thlemna lakah min hum la
Sual doral lo lianin lo hrang mahse
Ka nun kawng nangin min hruai zel ang che.

3. He lei dam chhung ni ral hun tlai mahse
Lungngai manganga ka awmin min thlamuan la
Chatuana i hnena ka awm ve nan
Damchhung ni chhiar thiam turin min pui la.
Repeat Chorus.

Jess Beyond mp3

Jess Beyond

Nikuma Beatles Night neih kan tum kan rawt hawt laiin musician leh Beatles hla sa tur kan dap chawp. Chuta tang chuan Jess Beyond hi a lo piang ta der mai. Mite’n la hre lar lo mahse, kan ina hla zir ta tlut tlut chu mahni fate an tel bawk nen, kan phurpui viau maia.

Mother Teressa ho Kolasib hmun ami te tanpui nan Paulians Reminiscence 2010 chu 13 August khan Vanapa Hall-ah neih ani. Chuta zai zinga band pakhat Jess Beyond ho hla cover MP3 in download theih turin kan han dah ani. An band member zing ami Ratan-a Keyboardist
Ratana RIP
lah chu a boral thut leh nghal, a uihawm khawp mai.

Download link

1) Queen_Medley.mp3
2) GnR_Red_Hot.mp3
3) Sweet_Child.mp3
Brando – Guitar
Brando guitarist
4) GnR_Live___let_Die.mp3
5) 21_Guns.mp3
Fredy – Rhythm
Fredy 21 guns
6) Amak_ana.mp3
Vocals – Andy
amak ana

Drums Reuben
Reuben

Lana Bassist
Lana

Jess Beyond Hla Download-na hmun
http://www.mediafire.com/?mswjtjj31t80d

Besy Choir Ebenezer Album

Besy Choir hi zaipawl tha tak an nih mai bakah hla ruahthamloh an tilar in zaipawl standard tih san kawngah pawh hian an thawh hlawk hle mai.

An hlapui leh an zaipawl ngaina tute’n heng hla Ebenezer te Chibai ka buk ang che leh Chanchin Tha puang ru (Jubili Dar) hi chu a Besy riau an tih ka ring, a va’n mawi tak. An hla te hi mp3 upload ka zawng a hetah hian download tur a awm mahse a tha vak lem lo. Ebenezer awmzia te a hla thu kim nei te’n han thawh ula.

Nitin Lalpa


 

Zing nichhuak engmawi leh boruak thiang karah
Chibai bukin Lalpa i hmaah ka lo kal e
Ni thar duhawm leh mawi min pek vangin
Kunin i hnenah lawmthu ka rawn sawi e

Chhun a lo thlenin i hmel min hmuhtir la
Englai pawhin ka ke pen min tih ngil sak la
Nun raltitnaah awm ka nihin
Min vengin Lalpa min hualhim zel ang che

Nitin Lalpa i hnena awm ka duh**
Ka tih,ka sawi, ngaihtuahna leh
Ka duhthlanna zawngte
I ram leh i felna nen inremin aw

Khua a lo tlaia ni a lo tlak dawnin
Ka tih diklo awm apiang min hriatchhuah tir la
Thupha ka chawi thinlung inchhirin
Malsawm tlaka nunmawi neih ka duh e

Zan a lo thlenin hahchawlhna min pe la
Thinlung lawma khatin laikhumah min zal tir la
Zanmu chhingin mang lamah min hip rawh
Ramhlun tur Van Jerusalem chanchinmawi

Ka nunah I duhdan lalber se**
Mite tana malsawmna ka nih theih nan
Ka chakna leh theihna zawngte hi
Min vensak ang che aw
I tan chauh Lalpa

**Repeat

He hla mawi tak mai hian ka nun a khawih khawp mai. A hnuai a link hi mi(sual)-ah ka lo post ve.

Nitin Lalpa

Blogged with the Flock Browser