Lengteng Chhehvel Thawnthu Part-I

Lianhela Pûk Chanchin

Lengteng ti a kan hriat lar, Sialkal tlangdung chhim hawia inkhawh phei tlak lama khaw upa tak hi Lamzawl khua a ni, in 80 khua, Hrangchhuana khawper Lalthanzuala Sailo lalna tlang a ni. Lamzawl khaw chung hmarlam hret atanga mualdung thalai panin Lungalhthei kawr kam ram rem deuh atangin kham lawnna hmun a awm a. Chuta tangin chhim lam hawi pan pheiin ruam zai pathumna zawh ah hian LIANHELA PUK 6OOft a thui 10ft vela thuk hi a lo awm a ni. He pukah hian mi 100 chuang zet riah theihna tur zawl rem a awm.

A hming put chhan hi Pasaltha Lianhela sa kap thei tak, Lasi nen inzawl, an awmna thin puk ni a hriat anih avanga “Lianhela Puk” tih a ni ta a ni. Lamzawl hi Ngopa thlen hma lawka pengin Tuithil kanin Jeep Road 6Km vel zawh a ngai a, Aizawl atangin 180Km vel a hla a ni. Lianhela Puk hi Lamzawl atangin pachak pangngai tak tan chawhma kal a ni. Rambuai nasat lai khan MNF ho ten tawm nan leh khawthlir nan an hmang thin niin an sawi. Fur-khawthiangah Mawmrang tlang leh Hriangmual tlang inkar Tuivai ruam kar atangin Aizawl a lang chiang thei hle.

Lianhela Puk chhim chhak Sialkal Tlang dung chhuah lamah hian ram rai zau tak SAMAK ZAWL a awm. Samak Zawl hi thawnthu hran nei a ni; hemi chhak lama khaw hnai ber chu in 200 vel awmna Selam khua a awm. Selam hi Tualcheng leh Pamchung lam atanga kal a awl ta zawk, tunhma chuan Kawlbem atangin an kal ber thin. Lianhela Puk hmar lam tlang dung khân (pass) zawh zelin Nauzuar Zo tlangsang bik tak a lo awma. Nauzaur hmarah hian Lengteng tlang sang 7050ft tih hi a awm thung (heihi thawnthu hran nei tur bawk a ni). Nauzuar Zo hi Lengteng aia tlangsang zawka chhal an awm nual mai.

Helai hmun pawimawh hi Murlen National Park atanga hla lote ah ramri nei tanin a chhehvel khua Selam, Kawlbem, Ngopa leh Lamzawl ram thahnem tak rinlutin Lengteng Wildlife Sanctuary atana hauh a ni.

He puk chungchang hi “Indian Archeology 1989-90 – A Revirew” tih page 75-na ah tihian a in ziak “The Lianhela Puk is situated about nine kilometres south-east of Ngopa village, two and half kilometres south of Lengteng peak, the highest peak in Sialkal range. As the cave is located on the face of a great precipice there is only one pass leading to it. It is ninety-nine fathoms long (181051m) and six feet (182 m) deep. The location of the cave is about 6,000 ft (1828 m) above sea level, and the climate is very cold even in summer.

Nauzuarzo leh Lianhela Puk

Nauzuarzo leh Lianhela Puk

Lengteng Hill Range from Google Earth

Lengteng Hill Range from Google Earth

Heihi Nauzuarzo ka sawilanna tho a ni LINK hi lo chhiar ve la

Advertisements

4 thoughts on “Lengteng Chhehvel Thawnthu Part-I

  1. Nauzuarzo leh Lengteng location i sawi hi a dik lo, Lengteng hi a chhim lam zawka awm a ni. Ngopa aţanga thlir pawhin a hriat khawp mai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s