THLEN CHIN ATANGA HMASAWN – Rev Vanlalbela

THLEN CHIN ATANGA HMASAWN – Rev Vanlalbela

Bible Society Campaign Chawlhni Zân (14/6/15) Dinthar Presbyterian Kohhran

Bible: Philipi 3:12-16
“Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin, a ûmin ka ûm zâwk a ni. Unaute u, manah ka inngai lo. Amaherawhchu, he thil pakhat hi ka ti ṭhîn – hnung lama thil awmte chu theihnghilha, hma lama thil awmte chu banin, Krista Isuaa Pathian chung lam koh chhan lâwmman hmu tûrin, tiam chin lam chu ka pan ṭâlh ṭâlh a ni. Chutichuan, puitling apiang chutiang rilru puin i awm ang u; tin, eng kawngah pawh rilru danglam pu in lo nih chuan, chu pawh chu Pathianin a la hriattîr ang che u. Eng pawh ni sela, kan thlen chin aṭang khân hma i sâwn zêl ang u.”

SERMON:
1. Thlen chin atanga “hmasawn” tih hi engkawngah pawh duhtawk kan awmlo. Paula rawtna pawh hi a tha hle mai. Thlen chin atanga hmasawn min daltu te sawi kan tum anga. TAWH emaw kan intih chuan hma a sawn theih loh. Paula hi chuan “TAWH ka inti ve ngailo” a tih tak mai hi a pawimawh hle mai. TAWH emaw intihna hian hmasawnna a dal nasa a ni.

Paula hian a nunah chhuan tur a ngah mai. Juda zingah chuan Rome mi nihna Citizenship nei a ni. Dan hremi leh Dan hrilhfiahtu zinga mi pakhat, mi ropui tak ani. Sakhaw lamah Kristiante tiduhdahtu ani. Paula a lo pianthar khan Êngin a chhun thlu ani. Isua khan direct in a bia ani. A mit te a dela mahse ringtu tawngtai damna a chang thung ani. Thlalerah Retreat thla thum a nei a. Pathian Thu ah pawh mi ril “Pathian hriattir ka ni” a ti ngam ngat mai. Thlarau lam thilah pawh Van lam hriattirna dawng chin ani nghe nghe. Thlarau lamah pawh “thilpek” a chang sang hle a, thilmak tihtheihna te, damlo tihdam te, mithi kaihthawh te bakah Kohhran pawh a din hnem hle. Kan Bible-a a lehkha ziakte hi ropui tak tak an nih bakah tawnhriat ngah tak ani chungin, Philipi a ziakah chuan “Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin, a ûmin ka ûm zâwk a ni.” a ti a ni.

Paulan heng zawng zawng – lehkha thawn te, Kohhran phun te leh thilmak tamtak a tih zawh tawh hnu hian; “Krista mi man chhan chu a umin ka um ani” a ti hmiah mai. Tawh ni a inhriat hi a nunah a awm ve ngailo. 1Korinth 13:9 ah “A kim lovin kan hria a, a kim lovin Thu kan hril …” a la ti chauh mai ani. A Thlarau chan ropui tak si khan a sawi zela 1Korinth 13:12 ah ” … Darthlalangah kan inhmu riai ruai a ni… ” ala ti chauh mai nia.

Paula hian Famkimna lam pana tlan tauh tauh angin a insawi reng ani. Tawh nia inhriatna hian a dal ve lo. “Piangthar tawh” inti te, “Kristianah ka inpe tawh” ti thin te hi hmasawn tura hruai an har em em mai. Tawh nia inhriatna nun nen hi chuan hma a sawn theih loh. Kelkangah pawh hian TAWH emaw inti hi chu kal loh mai pawh a sawt zawk ka ring. Pastor emaw Upa ka ni tawh intihna hian hmasawnna a dal mai ani lo Chapona min siam ani.

MNF ka zawm ve a, kava piangthar hlauh mai. 1979 khan Raipurah Pathian Thu kan zir ve a Ka-kha-ga chu thla thumah ka zo ve a. Church of God ho an ni a tawnghriatloh an uar phian mai a, tawngtaite an uar hle mai an tawngtai rei thei em em a. Kan zirtirtute kha an aia chungah ka indah tlat mai, ka Bible chhiar chhuah hnem vang leh rawng ka lo bawl nasat tawh te avangin. Damlo tawngtai tur an rawn hruai hian, tawng (hindi) zir nan ka lo tawngtai sak hmasa hrep zela mahse tumah an dam lova, Pasrtor hnen an thlenga an dam thin si. Ka rilru a lo tuihala, Thiltihtheihna ka dawn te kan en a, ka dawn tlem zia ka hria a, tichuan ka tawngtai ta a. Ni 4/5 kar khat te ka tawngtai ve ta. Chutia thlathum ka beih hnu pawh chuan engmah ka ni chuanglo. Tawh emaw ka intih na min daltu ka khenbeh chinah chuan ka duh loh ber tawnghriat loh khan bul ka tan a, kan tita tak tak maia. Heta tang hian “I thu nise” tihte “I duh duhin min ti rawh” tih nun ka chang ve ta ani. Hetiang chinah hi chuan Pathian pawh a che rang thin hle.

2. Hnunglama thil awm te chu ka theihnghilh thin: Heihi a pawimawh hle. Hnunglam ena rawngbawl hian hmasawnna a dal nasa hle ani. Paula hian testimony (tawnhriat) ropui tak a nei mahse “Nitin ka thih san thin” a ti ani. “Nitin hian TIHTUR leh NIHTUR um hian ka tlan thin” Paula chuan a ti ani.

3. Thlen chin apianga hmasawn: hei hi – thlen tur la thlenglo, hmasawn mamawh sawina ani. Tlan thui lawmman a awm dawn lo, Tlan thui leh chakin awmzia a neilo. Tlan hah man pawh a awm dawn lo. Chuvang chuan thlen chin atanga hmasawn kan mamawh hle mai. Tiamchin thleng tura beih tang tang pawimawh zia hi Paula sawi chu a ni.

4. Bible Society:Zaninah pawh hian Bible Society-ah hian hnathawh tur ala tam hle mai. Bible Society tluka Kohhran hrang hrang lungrual taka kan thawhhona hi a awm awm love. Tunhmaa Life Member Rs 100 anih lai khan a hlu hle tunah erawh a thawk tam vak tawh lovang. Pathian Aw hriatna atan Bible tluk a awmlo. Bible chhiar ngailo hian Thlarauthianghlim chang sela Bible hriatna a neih miau loh avangin a kal sual fo vang.

“Life Member ka ni tawh” emaw “Patron ka ni tawh” tihte; TAWH awm lovin hmasawn zel nana Bible Society-a thawhpui atan zanin hian kan insawm ani. Lalpan malsawm rawh se.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s