38 In LOVE

Rev Thansiama kut-ah, June ni 7, 1977 khan, Pathian leh a Kohhran te hmaah “tiam tlat e” tiin kan chham a, hemi ni hian NUPA a puan kan lo ni ve ta a ni. Kum 38-na a lo thlenin ka lunglengin a hnuai ami ang hian FB lamah kan post ve a ni –

38

Lalpaah chuan lâwm fo rawh u, ka sawi nawn leh ṭhîn ang, lâwm rawh u. In dawhtheihzia mi zawng zawng hriat ni rawh se. Lalpa chu a hnai e. Engah mah mangang suh u, eng thilah pawh ṭawngṭaiin, in mamawh chu Pathian hnênah thlen ula, lâwmthu hril zêl chungin dîl rawh u. Tichuan, mihring hriat sên rual loh Pathian thlamuanna chuan, in thinlung leh in rilrute chu Krista Isuaah chuan a vênhimsak ang che u. A tâwp berah chuan unaute u, a dik leh zahawm apiang, a fel leh thianghlim apiang, a duhawm leh thangmawi apiang, a ṭhata, fak tlâk a nih phawt chuan, chûng chu ngaihtuah rawh u. Ka hnên aṭanga in thil zir leh dawn te, in thil hriat leh hmuhte kha ti zêl rawh u. Tichuan, thlamuanna Pathian chuan a awmpui ang che u. (FILIPI 4:4-9 MIZO)

Kan inneih cham 38-na a lo thlen meuh chuan bansan tamtak kan neih laiin, dawn belh tamtak, chi hrang hrang kan nei. Lalpaa lawm te, Lalpa fak mai te, rin mai te, Krista avanga ‘Thlamuanna’ te kan lo nei nupa ta nia, ava hlu em.

Pathian malsawmna kan dawn zozai te hi chhiar seng lo mah ila, tu leh fa malsawmna min pek ringawt midangte hmuhpui theih avang ngawt pawh hian lawmna tur hlir a ni.

Krista chauh kan nunah lo Lal ber sela, “Kei leh ka chhungte erawh hi zawngin Lalpa rawng” chauh kan bawl zel ang tih hi kan tawngtaina a ni.

Kan nupa thlalak hlim tak karah hian harsatna te pawh mi angin kan tawng ve mahse, “Thlamuanna” min petu hnenah lawmthu kan sawi a – “I ta ka(n) ni chatuan atan” tih hi mittui nen kan sa thin a ni.

KAN NUPA THLALAK AWMNA

KA THUPUI BER
C. Lalzarmawia

Ramtiam lam panin chak lo tak chungin, nitin ka kal a,
Mahse Aw Lalpa chim buaitu an tam em! ka kal thiam lo
Setanan nitin min bei, Nangmah kal bosan turin
Mahse chakloh ber lai pawn, ka peng ngam lo
Lalpa Nangin min chelh tlat rawh

I ta ka ni e, chatuan atan
ka thiamna, finna zawng te
Lalpa I tan a ni
Hei hi ka thupui ber, Nangmah fak hi

Tunah Aw Lalpa hei hi ka hria a, lawmthu ka hrilh che
Ka thlinloh anga Nangin min pawm in, min lo duh si
Ka sualna zawng zawng te hi, miten hre reng thin mahse
Lalpa Nang erawh chuanin, I theihnghilh si
I hmangaihna ka fak fo vang.

KAN HLA DUH

Advertisements

One thought on “38 In LOVE

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s