ZO SAP MISSIONARY FAK ZUI HLAWH LO

ZO SAP MISSIONARY FAK ZUI HLAWH LO – Robert Thangmawia

Doctor ni bawk, Welsh Calvinistic Mission Board missionary ni bawk Dr Peter Fraser kha Dec.,1908-ah Mizoram-ah a lo chhuak a. Mizo lalten Bawi/Sal an kawl kha tihban a nih theihnan beihpui a thlak a. A Sap missionary puite pawhin British sawrkar kha a kar nat em avanga Mizoram-a an Mission chu sawrkar-in a tihtawp mai hlauin an tan ngam ta lo hial a. Dr. P Fraser-a chu Lushai Superintendent HWG Cole chuan nasa taka a khuahkhirh hnu-ah kum 1910 Dec. 19 atangin Mizoram-a luh a khap ta hial a. Mahse, Dr. Fraser-a chu Govt. of India hnenah leh British Sawrkarah a zualko zel a, India ram Viceroy, Governor General Lord Hardinge chuan Mizoram/Lushai Hills-a luh chu 1911 khan a phalsak leh ta a ni.

He thu lawmawm tak hi R. Dala leh a thianten Earl Hostel, Shillong-a awm, Thanga chu postcard-in an zuk hrilh a. Thanga chuan chu thu a hriat ve leh chuan minute 5 chhungin tun thlenga hla sak hlawh leh rilru khawih
tak: ‘Aw Lalpa chungnung ber kan fak hle a che’ tih hi a phuah ta hial mai a ni. He hla hi a mihlim hla satliah lo va, Mizo history nena inzawm tlat, kan pipute social life pholangtu leh min mitthla thiamtirtu hla tlemte kan neih zinga mi a ni.

‘Hnam tin thim chhuahsan leh bawi chhuah lo lawm se; Chungnung berah Pathian ropui ber rawh se…’ Dr. P. Fraser-a thawhrimna azarah a tawpkhawkah chuan Mizoram-ah Bawi/Sal chhuah zalen an lo ni ta a ni. Amah leh Watkin Roberts (Sap Tlangvala) te kha kan missionary-te zinga khawtlang nun siamthat nana inhmang nasa ber ber an ni a. Nimahsela, an missionary puite ngei pawhin an ngaihmawh an nih avangin vawiin thleng
hian Pu Buanga leh Sap Upa tihvel bak hi chuan Mizote zingah ngaihsan, chawimawi, fak leh sawi an hlawh zui lo ngawt mai. Hei hi an damlai a an tawrhna piah lam a, an thlarau chunga ‘rorelna dik lo’ (injustice) kan la lantirna niin a lang thei awm e.

Facebook a comment – K Cole Khiangte 1. “Rev.R Dala hi Sapram (London) a zin ve chu Dr.Fraser-a hian Mizorama Sal leh Bawia tangte chhuahna thu sawipuitu leh beihpui atan a sawm a Ani pawhin a thil ngaihmawh leh a vei ber a nih ve bawk avangin London a cham chhung in a beihpui ta vak mai a Pathian leh Sawrkar thilthiheihna hmingin Bawi bana chu an sual chuak ta a,Hei hi kum 1913 a ni chuan Pu.Thangthuran he hla, KHB-434 ami “Aw Lalpa chungnung ber kan fak hle a che” tih hi a lo phuah chhuak ta a ni.”

2. Ti leh lawk Dr.Fraser-a Thlalak ka nei silova Dr.Fraser-a damlo London thleng hruai a Bawi chuah na tur a beihpui tu Rev.R Dala hi a ni.”

Comment turin ka sawm a che u.

Advertisements

4 thoughts on “ZO SAP MISSIONARY FAK ZUI HLAWH LO

  1. He hla Thangan (a hnua Thakthing Veng Upa
    min ni ta) a phuah lai hian Shillong-ah Class X
    a zir a. Bawi chhuahna Order hi a la awm hma
    daih a ni. Chuvangin, British sawrkarin Lushai
    Hills-a Bawi chhuahna thupek a siam avanga
    lawm avanga phuah a ni lo. Amaherawhchu,
    Maubuang lal, Khawvelthanga erawh chuan
    Bawi neih chu tha lo tiin a Bawite zawng
    zawng a lo chhuahtir vek tawh a. Dr Fraser-a
    hian Bawi tam tak chu ama pawisain a
    tlanchhuak bawk a. Bawi tlanna man hi Rs 40
    lai a ni.

    • An thlalak te, bawih ban (chhuah order) te hi awm tel thei sela, a ngaihnawm zual ang. Ka thinlung a khawih hle mai. Irael te kha an hmelma ten an hneh khan tamtak bawih-ah an tang, chutiangin Israel ten hnehna an chanin bawih an la hnem ve hle. Kan pi leh pute khan bawih/sal an ngah mai. Bawih ban hma hian Saphun te pawh a awm kha. Hetianga bawihban kawnga sulsutu te hi chawimawi an va phu em.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s