Khawchhak Zinkawng Part II

India ram khawpui hi chu kan dai chiar ve viau tawh maia,tunhnaiah phei hi chuan khawchhak lamhnai hi chu sumdawng ho bungraw lakna ber ani chho ta. Tunhma chuan Hringchar kan dawr, kan kaltui deuh Calcutta kan dawr leh tunah chuan Asia ram abikin Bangkok, Hongkong leh tunhnaiah chuan China ramah te bungraw la kan kal ta sup sup mai.

Chutih rual chuan hei kan khawchhak zin ve ka chetchhiatna te ka han tarlang tawha. Tunah chuan chutiang lam chu tel tho siin ei-in lam tarlan kan tum teh ang.

Chetchhiat leh
: Kan Hotel thlenna hi mahni room luh nan Card Key min pe hetiang hi chu India ah pawh a hmanna hotel-ah ka thleng ve tawh. Mahse he card key tello hi chuan lift-ah

mahni floor tur kha a hmeh nun theih miah loh. Lift floor no in tlar tuarhna bulah khan Card sensor a han tah nun phawt a ngaia chumi hnu chauh chuan mahni floor kal duhna kha hmeh in awmzia a nei.Inleng nei dawn ila lift ah kan tello chuan kan floor thlen a har dawn hle tihna anih chu. Atirah ka lo hre mai silo lift ah mahni floor a chhuk thei lovin kan kual zak zak mai chu tuman min hmulo mahse buai tak ka ni 😉

Food Pavilion


Keini Mizo te zin ve hi chu Holiday spot lama kal ai chuan Shopping mall vela kal hi kan uar viau in ka hria. Khawchhak ah zawng Mall hi a lo tam fu maia ka kal ve na ho ah hi chuan thilawm pawh hi inang put mai hian ka hria. Chutih rual chuan Mall chhawng chung ber emaw Basement lam emaw ah hian Food Park / Pavilion hi a awm deuh zela.

Chungah chuan khawchhak lam eitur chi hrang hrang a lem nen an tarlanga. Eiman pawh ti lo te te an ni hlawm. Korean Chinese Thai Japan etc chaw chi hrang hrang a tam ber. Indian food pawh hmuh tur a awm tho bawk. Thailand Mall pakhata vawk ke an rawh pawrh kan ei mai chu tui ka va ti tak em. Plate dang kan lak belh leh ngei a puar theih hle mai.


Thailand Mall-a kan kalna ah chuan Cash Card lei phawt a ngaia, chumih hmang chuan duhtawk kan order Baht 200 man chu eisen chi ani lo. kan hman bang kha cash in min return veleh mai thung. Hetia Card an tih hian stall tin thil hralh zah kha an hriatpui thei ngei dawna, eng item nge demand sang tih pawh a chhuti theih vek ang. Hmundangah chuan cash pek chawp te a ngai thung. Hemi ang hi chu Analyse a har deuh hlekin ka ring.

Hetiang ang hi Aizawl-ah hian Mizo chaw chi hrang hrang bakah thiam hrang hrang show-na tur te siam ve ta ila, a nuam awm mange aw ka ti. Hetiang ang hmun hi mukhual tan phei chuan tih chi tak niin ka hria.


Singapore ho tan chuan S$ 5 man hi chu tlawm tak ani.

Advertisements

3 thoughts on “Khawchhak Zinkawng Part II

  1. Thlir a va manhla ve!! I zinkawng atang hian chetdan phung tam tak ka lo zir e. I chetchhiat hmasak tawhna-ah chuan chetchhiat ve loh tum tur anih hi, kal a awm ve anih chuan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s