Class of ’99

Middle School Board Exam Class VI result a chhuak tih ka hriat veleh, New Market-a ka inpho-na atang chuan result enturin phur em em maiin Education Office, Treasury Square ka pan nghala. Result en pawh an lo awm nak nak mai. Ka hming pawh Top 20 zingah chuan a lo lang ve hlauh mai, mak ka ti ka lawm hle mai. Chuta titha deuh Boys ME School-a hming te chu kan chhinchhiah ru a, ka classmate te an ni chho nual lehnghal. St Paul’s High School-ah luh ve ka va chak em tih rilru pu rengin hlim deuh maiin kanu dawr nghak hrilh turin ka phei leh ta a. Hemi tum hian kan chhungkua kan hlim hle mai, kapa chuan “keimah ngeiin ka kalpui ang che St Paul’s High School-ah chuan i lut thei em em ang” min han ti lehnghal chuan min ti thlamuang hle mai.

St. Paul’s High School luh dil chuan kapa nen chuan kan kal ta a, Roman Catholic Father min han hmuhpui ta tlat mai:!: Tawngpai deuh hian “Kapu i fapa hi a lut thei ngei ang, kan lo buaipui ange mark sheet leh thildang kha ka kutah dah ula” a ti a, hlim takin lut ngei tura inngaiin kan pafa chuan kan hawng dun ta a.

Class VII kan han ni chho-a St Paul’s High School chu veng hla deuh atang chuan pan kan tam lo kan inhre them mai. Mahse a veng hla hla hi kan hmanhmawha kan tlai ngai lo a hma pawl kan ni ziah. School thar-ah thiante kan han chhar chho-a kan school ka tih ve theih St. Paul’s High School chu nuam ka tiin kan class ho kan inkawm ngeih kan hlim hle thin. Hun a lokal zela kan zirlai kan zir ngawrh hle a ruka inelna pawh a awm chho zel, chimawm dan lah kan thiam belh zel. School sports te kan nei, function-ah zaithiam tak tak zai turte lam turte kan nei chho zela. Kan class bik picnic te Lawibualah kan neia, kan va hlim tak em.

Kan school kal laia lung ti leng deuh deuh ka la han tarlang zel ang. Kan class re-union hi pui tham takin kan school kan chhuahsan kum 1974 atanga kum 25-na 1999 khan Aijal Club-ah re-union kan neia Class of ’99 kan invuah. Kan hlim dan chu he video atang hian a hriat theih mai ang chu.

2006 khan New Capital Complex hmuna-a Governor Durbar Hall tura sak zawh hlim la luah loh ah Class of ’99 chuan re-union kan nei leh. Mahse kan claasmate te an kiam zel chungin a la kalkhawm thei ho erawh kan hlim hle tih chu he video atang bawk hian a hriat theih awme.

Advertisements

6 thoughts on “Class of ’99

  1. A ngaihnawm reuh hle mai. St. Paul’s ah hian class IV ka kal a, class V zir lovin Tuikual ME School din tharah class VI ka zawm a, St. Paul’s H/S-ah class VII ka zawm leh. Chhunah tlangah kan han lawn a, thlawhderh kan han thlawh a, Ngaizel khampangah te kan lawn thla a, kan va lo fit thin tak. Class ix ka nih hmna zawng khan thingpui dawrah ka chawl ngam ngai lo. Chhunah Atea (Thandanga) teho nen kan thingpui in turin inah kan haw thin a. Bazar lam atanga lokal kan thianten an thirsakawr min hawhtir tum chuan kan lawm thei hle thin. Thirsakawr kan hawha condition awm ziah chu, ‘Ngaizel lama tlan loh tur’ tih a ni. Ngaizel kawng kha a chhiat em thin avangin thirsakawra thlan kha an ui thin. A chang chuan kan tlan phei ru tho thin bawk.

  2. Kulha kha a inti-Tarzan thin em bawk a lawm. Mi chawikan paha auh ruah2 te kha a ching thin a, a te lam kha kan rethei thin. College kan kal chinah chuan pangang a hlau tih kan hria a, uite pangang kengin kan um tlan ve duai2 tawh thung :))

    • haha – pangang pangngai ai chuan uite pangang hi ka ten zawk. Kulha chu Atea khan a va han ngei thei tak tunhnu hian sawi duh se’ng chuan sawi tur a ngah ang mawle. Biakduhawma nena boxing an zirlai thleng khan sawitur a nei ang πŸ˜‰

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s