Rel Kawng Akyab Thleng

India ram hian Look East Policy leh Bay of Bengal kaltlanga northeast bungraw phurh luhna pawimawh Multi Modal Transport a tihrual hian Mizoram kaltlanga Rail kawng siam hi rawt ni ta mai sela. Engtinnge kan react ang le. Kan thliarkar rilru hi kan paih anga YES kan ti ang nge, NO kan ti zawk ang le. Bangladesh kaltlang Rail kawng hi chu awlsam lutuk Agartala ah an inpawh trep. Mahse politics avangin kaltlang tir an tum si lo. Burma ram kaltlang erawh chuan India hian a duh hmel si a. A Route tur hi Bairabi atangin Tlawng kam Right bank zel ah kalin Haulawng bulah tunnel verhin Mat kam zuiin Rotlang bul verhin Chhimtuipui kam zelah a kal ang Akyab thlengin.

A theih loh ang kan ram a chhengchhe em mai kan ti maw? China chuan Lhasa Feet sing chuang a sang, Rel kawng pawh a tam ber Phawngpui aia sangah High Speed train a kal tir asin. Lhasa Rel kal dan in en teh ang –

Lui an kan awmlsam, tlang lah an verh pawp zel, Vur tawlh lah an hlau lem lo

http://img823.imageshack.us/img823/7180/worldhighestrailways372.jpg

Tlangsang bulah Highway leh Rel kawng

Rel chhung


Lhasa Train station

Hetiang a Lhasa thlen thei hi chuan Myanmar dung chhirin Arakan state tan tlanga Chittagong Rel kawng Tri-Asian-Rail (TAR) an tih a thenin Trans Asian Rail Network an tih bawk hi thil harsa anih loh dan chu a hnuaia Map hi han en ila. Chinese economy than dan leh South East Asia a intihthu a tumdan te en hian leh Bangladesh leh Myanmar te’n an lo ngen ve chhen bawk nen, a thleng har hian ka ring lo.

China Rail Network Map

Advertisements

41 thoughts on “Rel Kawng Akyab Thleng

  1. USA kan lo zin khan DC to Pittsburgh kha Rel in kan hawng. An Rel kawng kha tlangram kawngpui phei tak anga laih zawl a tam ve mai Silchar kawng tiat vel lai niin a lang. kawngkawi Rel chuan tinuam turin an la mar nalh hle.

    Rel kawng kan survey hian minimum standard ni lovin tunnel verh hreh miah lovin survey tur ani. Speed sang apiang hian kawngkawi sharp a duhlo heihi common sense pohin hriat a tul.

    Akyab thleng Rel kawng kan tih hian International Rel link ani anga Burma ram Tourism in nasa takin a chhawr anga Lengpui Airport hi a lun phah sawt ang. Bakah Mizoram-a kan bungraw chawk luhna hi a awlsam phah hle ang. Kan Police te hi rintlak in chher ila hlauh tur awmlo ah kan ngai mai dawn lawm ni? ‘Nge risk a sang lutuk kan ti ang le.

    Blog hi ka vil tha lo min ngaidam ru

  2. Tunlai hian china hian Indian Ocean chhun turi kawngpui leh Rel kawng siam a tum Myanmar katlangin Chittagong Port pawh turin. Cox Bazar port te pawh a siam that sak dawn niin news ka chhair tlat mai

    Kan ram riang te hi landlocked state kan tih thin kha, Zofate ram hian hmasawnna nasa tak a hmu dawn a va ang em

  3. India Foreign Policy hi ngun tak a kan zir chian hmasak a pawi mawh. British hnuai atanga kan in dan hnu a, Foreign Policy India in a kal pui dan hi kum 20 kal ta atang khan nasa takin a in thlak tih kan hmu thei ang. Tunlai khawvel ah chuan ram economics din hmun hi a pawi mawh leh zual. Kum hnih kal ta a Financial Crisis USA atanga rawn in tan khan khawvel economics din hmun hi a ti dang lam hle a, Europe khaw mualpui pawh khuan problems nasa tak an la nei tih kan hmu thei. PIGS countries (Portugal, Ireland, Greece & Spain) ten economics reform an kal pui dan khuan hma lam hun a ti dang lam viau ang.
    Look-East policy hi eng chiah nge a nih? India tan a pawimawh na e nge? Mizoram hian e nge beisei na a neih? Khawvel democracy ram lian ber India in a Foreign Policy a thlak nasa hle tih tun kum 20 kal ta atang khan kan hmu thei ang. Kum zabi 15 na chho vel khan South-East Asia hi khawvel a in sum dawn tawn na hmun pawimawh ber a ni a, Renaissance period hun lai atang tawh a European traders ho ( Italian, Portuguese, English, Dutch etc) sul hnu pawh hmuh tur tam tak a la awm reng a ni. Kha hun kha tunah hian a lo thleng leh tan dawn ni in a lang. US & Europe market khu a saturate hneh tawh lutuk a, India, China leh Asian markets a penetrate hi an tum ber a ni ta. Asia bikah chuan China & India hian he mi kawng zawng hian hma an la nasa ber a, nimahsela India hi chuan China hi chu a la chelh lo chu a ni.
    Look-East Policy hi India sawrkar hian a duan na chhan hi e nge? Political leh economic reasons a nih a rin awm. Myanmar bikah hian lo en ta ila, democratic movement tun hma a India in support thin kha a bo ta ni in a lang tlat. Hman ni a Myanmarese general New-Delhi a red-carpet nen a lo hmuah khan a ti lang chiang hle. A nih leh India sawrkar hian a tum ang in thil kalpui dawn ta se, e nge Mizoram hian benefit a neih ang? Tunah hian China mai bakah South Korea pawh hian India nena Free Trade Agreement nei tur hian an nawr nasa tawh hle a ni. In remna lo nei ta se, he lai region hi chu a la ropui khawp ang.
    Mizoram hi kan than harh a hun tawh tak zet. Khawvel hmasawnna lo thleng tur hi kan face a ngai dawn tho tho. A hmasa berah chuan dan tha kan neih a, a implement lamah tan kan lak a ngai. Kan ram economics dinhmun chu kan hre vek. Aizawl khawpui a sumdawng zawng zawng hi COMMISSIONER awm khawm kan ni mai lawm ni?? Kan ram in thar chhuah a neih hma chuan eng hi kan ang ngai lovang. Kan state budget pawh hi eng ang pawn kum tin pung mahse, vai ho kutah bawk a tam zawk chu a lut leh tho. Infrastructure lama hma kan sawn rual hian kan economics dinhmun kan siam that hi a pawi mawh tak zet tawh a ni. Cargo plane emaw rail pawh lo lut ta se eng atan nge kan hman tang kai ang. A thawn chhuah tur lam a tel loh chuan hmasawnna tak tak kan neih hi ka ring tlat lo. A dik tak chuan Mizoram hian horticulture lamah hian potential kan nei tha lutuk. Kan tlak chham ber chu tih tak tak na hi a ni.
    Rinawmna, dikna leh taihmakna nen kan thawh chauh in ram ropui tak kan thleng chauh ang.
    ( Discussion hi la huai hawt teh ang u. Sawi tur ka ngah si a, ka sawi seng lo a ni ber e)

    • @Zodin Sanga I sawi tha hle mai, nangni ang la naupang bright si ram vei si hi kan mamawh te chu in ni. Nia Look East Policy hian a tum ber chu Indian Market awlsam zawka thawnchhuah lai hi ngaihtuahna lian pawl tak anih ngei a rinawm. Chumi kalkawng pui-ah chuan kan awm, sawn ngawt theih ani lo. Chu kalkawng chuan min paltlang dawn, truck driver atanga Industry lian din farmers te leirem rahna remchang atana Pathian ruat pawh anih ka ring. Mahse tun dinhmun-ah hi chuan kan la inpeih lo mai ni lovin Manpower – Top Executive turte, Middle level Management ami tur te leh Technician turte kan va la neilo em. A hna hnuaihnung leh market movement hre pha lo, hna hnuaihnung thawh bak hi kan thleng pha lo ang tih a hlauhawm.

      Chuti nise eng homework nge kan tihtur hi sawiho a tul hle ani. Tunah hei China lah chuan Chittagong lamah khawvel Port changkang ber ang chi dinpui a tum, Myanmar kaltang hian Bangladesh hi Road leh Rail link hi a siam rup rup maithei ani. Chumi anih si chuan India pawh hi a thanharh a tul. Hei vang reng hian ania High Speed train Sittwe Port chhun rawih maia siam tul riau a ka hriat chu. Road Network Inprovement pawh hi chak taka hmalak a ngai myanmar chhun tur International highway hi –

      1) Ngopa – Khuangphah – Tiddim – Mandalay te
      2) Champhai- Zokhawthar – Tiddim – Mandalay te
      3) Champhai – Zokhawthar – Falam – Mandalay te
      4) Serchhip-Thingsai – Hakha – Mandalay te
      5) Hnathial – Sangau- Halkha- Mandalay te
      6) Tuipang- Phura – Halkha- Mandalay te leh
      7) Lawngtlai – Sittwe and Lawngtlai – Chittagong

      Heng kawngte hi kan neih a tul hle ang. kan la sawiho zel dawn nia.

      Bakah Aizawl to Marpara to Dhaka (also Chittagong) and to Kolkata te hi a hnuk a hnai teh asin. Aizawl to Kolkata via Guwahati hi 1650Km anih laiin ke kawng ka rawt hi chu 800Km bak ani nang.

      • Khawthlang lam hawi deuh heng kawngte pawh hi –
        1) Lunglei – Tlabung – Rangamati-Chittagong heihi Multi Modal a ngai
        2) Lawngtlai -Parva-Chandraguna- Chittagong
        3) West Phaileng -Sabroom-Chittagong or Aizawl to Marpara to Khagrachari to Chittagong/Dhaka

        Kawngpui te hi thlur sung mai sela hmasawnna zel tur ani, Rel kawng siam a ti awlsam zui bawk dawn si a.

    • Lo ngaihtuah peih hram hram teh. Ka thian nu tuna Canada a zin mek chuan tihian email min han thawn asin –

      e thianpa, i thil ziak chu ka chhiar nasa mai,ngaituah ati thui khawp mai.kum sawmthum kalta,1980 chho vel khan calcutta atangin Aizawl via Silchar ka vei zing thei hle, nau paw chungte pawhin,a hnu deuh ah Tuirial airfield alo awm a, ka thaw huai a,chutah Lengpui airport siam tur thu an sawi chhen a, a..’damrei nghahthil ani ang’ ka ti thin a, hei Pathian khawngaihna azarah Lengpui airport chu kan tum ta lawp2 a, chuvang chuan i thil ‘vision’ hi a thlengloang tih a sawitheihloh!!!!!! nghakhlel takin ka lo thlir reng ang, Pathian in rem a tih chuan China ah awlsamtein kan la zin ve mai mahna

      Nangni exposure neitha kum lama la naupang bawk bright bawk si te hian heng idea hi lo hlamchhiah lo hram teh u πŸ˜‰

  4. International boundary pel thil ani bawka, sum involve a tam dawn bawk nen, i argument ang zulzuia Central lam thuneitute hnung hiat thiam kan mamawh a va ang ta ve. I argument a convincing tha khawp mai. Rel kawngte leh highway hrang hrang te , theih chu nise kan ramah hian thlur seng sung mai sela, kan thatpui ngei ang. Inchimral hlauh avanga a lo do pawla tang pawh ram hmangaih dan chi khat chu a ni tho chungin.

  5. A nghahhle awm hle mai. State sorkar in sum a nei si lo a, engkim GoI tum vek tur a ni dawn si a. Nghah fan fan a tul dawn ni maw.

  6. @Lalchungnunga Am sure Indian Govt will benfit the most more than the neighbouring countries as the existing trade volume (statistics) manifested. Apart from trade the strategic importance should not be ignored.

    @ZerO the saying goes “if you want to go to the moon you cannot sit idle, you got to rise up and make an attempt”

  7. Corrected:
    Ka thlawp zawng tak a ni. Ram changkangah kan zin ve thin a, mi thil awh a na ngeimai. Keini ve kum 10 chuang vision kan neih tlem hmelh lutuk hi kan tuar zel dawn nihin a lang bawk. Mizoram sawrkar pawh hian hetiang lam rawtna hi bengchhiin sawrkar laihpui inah Look East Policy an lo tih lai tak a ni bawk nen, chuan Myanmar/Burma pawh democracy lamah a inhawng tan zel a, hetiang hi kan ngaituah lo a ni chuan kan hmabak chu a eng vak lovang le. Kan hlau angin thil a nih dawn lo. He ram pahni ah hian a hlawkpui turte chu Zohnahthlak – Chin leh Mizo ho tho kan nih dawn. Chutiangin, Bangladesh ah pawh a tlatlung ber turte chu Zohnathlak – Bawm, Pangkhua, etc ho tho an ni. Kan inhawn ve hma chuan khawvel ram thil thazawk te hi kan la awh kumtluan dawnin a lang mai loh maw. Min hualtute ngaihtuahin Mizoram tan phei chuan hlauh tur awm loh ang tluk a ni ka tih ve tlat. A very good and visionary post. Thanks.

  8. chhiar a manhla hle mai, Zoram mipuite hriat tur in media hmanga talk show te poh buatsaih theih nise, tunhnai khan an kawnglaihna hmun ka han kal a, nhaihtuahna kal thui hle he post ka chhiar tawh kha ka mitthla ah lang zawk mai.

  9. idea thar em em sawi tur ltk chu ka neilo na a, athatna te kan hlokpui dan turte chu mit thla ah a lang uarh uarh mai, mumang ah hmun nuam deuh ah kan leng a kan harh meuh chuan kan awmna ngai ah kan lo la awm reng sia,chutiang deuh chuan idea tha tak tak kan thawh anga, min nawrpuitu tur kan hruaitu te hian min sawihnom sak leh si anga tihte ka lo ngaihtuah meka

    • Idea thatak i neih chuan up hlum miah suh, a tak ram a changlo ang tih a sawi theih loh ania. Ram leh hnam tana muthlu lova kan ngaihtuahna kan sena hetia kan sawiho hian thangthar tamtak a cho chhuk ngei ang tih ringin i bei zel ang aw.

  10. Tukin Indian TV news channel pakhatah Special Report in Railway to Paradise tih ka en fuh pek a,Indian mainstream a tanga J&K thleng tur railway project pakhat an buaipui mek lai,tunnel an verh mek te,lui kawr thuk lutuk tantlanga railway bridge sang ber tur an sak mek chungchang te..i article hian min convince tulh tulh,mahse kan thanharh a ngai ka ti,polically te pawn tumna (WILLINGNESS) tak tak son of SOIL ten kan ngaih ve a ngaih ka ring…PU DUHSAK

    • Tlang ram ruam leh phai paltlang hian khawvel hmun dangah Rel kawng siam a ni. China ram rela-ah ka chuang ve tawh USA pawh. Tlang hi sut a rem chuan sut ani mai Tunnel an verh maia. Technology la hniam lai khan British ho sumdawng duh khan Halflong tlang te chu an lo verh chek chuk alawm le. Tunah pawh Sairang thleng turin Bairabi bul tlang chu verh tur ani. Chutiangin Kurunglui an cross dan tur te chu turu ve tak ani. Thlalak ka dah ang hi a awm fur dawn alawm le kan ram ngei-ah. Chu’ng chu Akyab thleng law law in awn kan ti ani ber.

  11. Relkawng hi a duhlo lamin sawi ni bera ka hriat chu REL kawng a pun leh a chhehvel ah mirethei an pung tih hi niin ka hria,heng hi chu Law enforcement lam dan kan tih that leh kenkawh that ah innghat ta se,a mi cheng te RAIL a lo tlang a vanga kan retheih thutna chhan tur hi ka hmu lo!!..kei ka ngaihtuahna a awm ber chu kan eizawnna (Kumtin ram vata lo kan neih ang) hi 90pc tal hian thlak theise,kum 15/20 lo awm leh turah chuan kan ram hi a hring leh dup a nga,TOURISM ah ringawt pawh kan hmabak a en ka ring!! kan ram a thing leh mau than duh dan han en hian..Tin ,leilung hausakna ngahlo mah ila,HYDRO electricity ah ringawt pawh kan rama lui awm ho hian MW tam tak an pe chhuak thei tur ah ka ngai a,i pOST ang hian RAILWAY line leh Highway hi tha se ,kan AIRPORT hi ti changtlung zel ila,huan nghet neiin HORTICULTURE leh Animal Husbandary ah hian khawvel entawn tur khawpin kan intodelh thei!!! KAN RAM hi ISRAEL chu ka tehkhin lovanga SINGAPORE ang mai khian International HUB ah kan siam theih ka ring

    • Hmanlai Rel muang em em feh hawng pawh an zuan kai mai mai theihna ang Rel te chi te kha lolut se kan ti lo. Rel chak chi a chhe berah 80kmph ang chi te hi chu phar dina zuanthlak mai mai theih an ni ve lo. Rel station-a mutia nena vir hut hut ang chi te hi Crane leh Conveyor belt te’n an thlak ang chu le, modern Container handle thei turin kan buatsaih ang chu. Mihring danna lah station tina luh leh chhuahna security tha tawk CCTV in a cover tel bawk nen anih chuan Tinsukia mail ang mai chuan kan chhangchhe lo turah dah ila.

      A kaihhnawih hlawkna kan tel tur hi a tam khawp ang. Gas Bullet train kal zut zut te, Myanmar ram gas reserve train-a Mizoram kaltlanga an han phur liam zut zut turte kan thlaithar Container felfai taka an phur liam zut zut te pawh hi a la thleng em em ang. Developed countries ah an ti Developing countries ah chuan India hi hetiang lama hnufum pawl kanni. Mahse kan la in thlak vek dawn efficient kan duh chuan a ngai tlat inthlak.

      Passenger India ram chhung leh pawn ami an insul zut zut anga, immigration Check post hmun pawh airport ang mai, chutiangin station tin pawh airport ang tho-a cheibawl leh tih felfai ani ang chu le. China chuan an tihna a rei tawh.

  12. akyap thleng road way leh railway a awm hun chuan kan unau burmese ho hi an rawn lut huk anga democracy ram ah chuan an zalen ltk anga an zalenna an hmang thiam leh silo anga…..:-)

    • Akyab lam saw Arakan tih thin ani a michengte saw Arakanese tih thin ani. Myanmar sawrkar hian Rakhaine state a ti daih. Saw state ah sawn Kawl an tam ber lo, a state neitute sawn pem an chak ngailo. Hnam huaisen tak an ni.

  13. Kaladan MMTTP te hi han puitling tak tak se,highway te poh hi siam zoin railway te nen lam in kan ram economic than chak dan turte, thil engkim mai awlsam tak tak in kan ti zung zung thei bok ang a,hetih lai hian skill kan neihthat tok loh chuan hnathawk tu 3/2 ai a tam mah hi chu ram dang mi kan chhawr a la ngai bok ang a,hei hian kongtamtak ah harsatna min thllen poh hlauhawm hle,

    • Skill Development hi a pawimawh khawp mai. heihi kan hlamchhiah lutuk. TH Lewin-a chuan kan chhehvela hnam mawl zingah themthiam lo ber mahni hriamhrei pawh Sala kan man Vaiho atanga hriamhrei nei ve chauh kan niin a ziak. tunah hian Puantah ho chu Burma Kawl, Misitiri chu vai deuh vek. Kan thing leh lung mistiri te hi an to over. Motor workshop-ah hian Meitei leh Bengali deuh vek. Sawi sen ani lo Skill Development tluka tul hi awm rih lo ka ti.

  14. shiv kher an winner dont do different thing,do thing differently a tia dik hle in ka hria, lehkha zir na lam kan uar ta lutuk hian hnatlan nikhua ah poh hriam hrei hman dan poh kan thiam mang tohlo lek lek a ni a,kan zirlai chiah thiam kan tum ltk hi chu thhalo deuh lo maw?

  15. Tripura lam chu awlsam tein Political decision a awm chuan look east policy a corridor pawimawh ber an ni thei mai dawn!! Hemi kawngah Policy fumfe kan neih theihna turin a hre deuh leh tui mi te khan tan la zel the u.

  16. I idea leh comments ka chhiar chhuak vek a, a tha ka ti takzet. Hetiang hi thalaite hian kan ngaihven a hun ta. Ka’n sawi belh ve duh zawk chu… Mizoram hi ‘strategically’ in India tan hian kan pawimawh lutuk. Hei, tunah pawh China in thawm a han nei a, Lengpui Airport-ah pawh Jet Fighter dah a han tum nghal mai a. He kan pawimawhna denchhen pawh hian development lamah nasa takin khu lama kan pute khu nawr a hun a ni. South-east Asia ah hian ‘Heartland’ kan ni thei ania…Vision ropui tak neih a hun e.,..

    • sustainable development lama kan hmalakna hlawhchham dan te en hian Pathian hian China ral lian vang hian Zofate hi min chhanchhuah ka ring thin. India hian China chu a hlau hle ani. Northeast border te hi India chhung atang pawh hian pawh har ve tak anih avang nge? Kan pawhna tur kawng siamte China sipai hian an hmang tangkai ang tih a hlau Border Road lama hmalakna hia chau em em mai. Hei vang hian kan Supply route ber atan Akyab thleng rel kawng kan tih hian a kawk raih mai. Ka thu ken i man in ka hria.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s