Vai tha ka tawng

Vellore Hospital-ah ka naupan lai ani tlangval lai ka mi ngaihsan leh ka hero Driver “Malpuiliana” tia mi hriatlar, ka pu, ka nu nau thih-sual kan bawihsawm. Vellore thosi tam karah “min hria em hei i tupa ka nih hi trang fan fan rawh” ti a ring deuh deuh a ka auh pawh min chhang lova min kalsan kha January ni 25 zing lam a ni.

A ruang hawn ngei tumin Police station leh embalming an tihna kan kar tawn zak zak hnu-ah Madras taxi in kan thleng rawih. Thlawhna a phurh theih tura kuang siamtute kan dawr léh dawn fel hnu-in Indian Airlines ticket lakna office puiah kan kal, an lo Q thui si ka mangang kha Duty Officer room ah ka lut rawih.

Kan dinhmun ka sawi zawh rualin thawh pahin “Youngman I will do everything possible for you be rest assured” a ti a ka la zui zel, biak tur tur a biak zawhin “Kuang siamtute’n an peih hman chuan zanin ah in thlawk thei ang” an ti chu Vaipa biangah khan kan FAWP ringawt ka lawm lutuk mittui ka control zo lo.

“Kuang buaipuiin a tlanin va tlan rawh” min ti nawn leh. Kan va thleng chu a lo phone fel vek. Kuang Cargo booking kan tifel chu checkin na ah kan hming an lo lam, thlawhna in min lo nghak khawtlai chu lo niin.

Calcutta kan trum chu vai tamtak zingah zanlai dar 12 pelh hnu-ah Airport Duty Officer hovin min lo hmuak “Are you Bhanlal duahashakha” tiin min lo chibai. “In kal zelna tur Silchar ticket pawh OK veka kuang hi la chhuak lovin Cargo dahna ah kan dah anga Silchar ah kan thawhpui ten an hlan ang che u” an ti leh chu a bianga han fawh leh hi ka napa, mahse ka fawp ta lo.

Calcutta Airport chhuatah kapu nupui leh thrian leh ka unaupa nen Mizoram House lam tibuai lovin kan meng-mu-tlaivar Pathianah leh kan Vai Thra kan tawn kan lawm zia sawi zelin Jan 26 1986 khan Aizawlah kan in vui liam ta.

Awle misual thiante Vai Tha mi intawng ve em? I han thawhkhawm liam liam teh ang, duh leh a sual ho poh telh ila a thra ti hlu tu ah.

Link

Advertisements

8 thoughts on “Vai tha ka tawng

  1. Tum khat chu Guwahati to Delhi (BRAHMAPUTRA RAILWAY) a kan zin tum hi a ni a,a kum leh thla ka chiang ta hauh lo mai.Rail ka vawikhat chuanna a ni bawk nen,ka thianpa nen chuan rail boogy chhung ah chuan zozial ngei mai chu kan pak hlat hlat a,guwahati kan tlan pel awrh ang tih vel ah chuan Railway Police ho chu an lo lut ta thut si ! Ka zu lo tih rual ni hek suh.Ka thianpa nen chuan min tham a ,zun in bul ah kan ding dun ran mai le ! Vai tawngin thil min zawt,kan hre thiam silo English a thiam ang tawk a,kan han sawi pawh in DAN kalh a lo ni si !Kan van che chheteh reng em.Chuta chhap ah zozial kha ganja emaw an ti tlat pek a nih chu.

    Mahse vanneih thlak takin kan bul a thu Vai thami lo thu ve kha, C.I.D Police India sorkarin a Mizorama an lo dah kha a lo ni hlauh a,chutia kan thutna a kan let mai tak loh a vang chuan a ngaih thalo in kan awmna lam chu a rawn pan a,Vai tawngin eng eng emaw an sawi a, I.D a hmuh hnu ah chuan min chhuah ve leh ta mai bawk a.Kawng tluanin hlim takin kan in kawm ho ta a,Tun thlengin chu Vai tha mi chu ka la theihnghilh thei lo..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s