Israel of the East

Israel ram hi Mizoram aiin a te hret, population ah erawh kan let 7 vel an ni. Thiamna a sang engkim a changkang. Ram mahni tui intur poh ngah zo bik lo khan khawvela flower export lian ber 4 zingah an tel. Agri leh Horti te Poultry an an hlawhtlinna hi khawvel mak tih a ni. Technology leh manufacturing an te hlei hlei.

India ram state thang ber leh hausa ber hian Israel thiamna pur engkim deuh thaw ah zu chawlut a mawle. Israel mithiam rual consultant ho hi sang rual an awm reng Maharashtra-ah (India ram state-a a ngaihna hre ber an ni chungin).

Drip irrigation Remote control ni chhuah hma leh tlak hlim chiah a tui pe tur ang chi te. Bawnghnute khawl hmang veka an sawr te. Ar chaw khawl veka an pe leh an ar-in mechanical operate tawlh kual thei te. Artui conveyor belt a pack na hmuna an han la kual vel te. 3G technology an han manufacture te; a sawisen a ni lo. Israel chuan “Arab drill oils and sit/relax on oil wealth, we drill brains and no less poorer and need no lesson or motto like to serve god and the country”. Bus khalhtu khan CID security lam atan a rintlak nghal a, bawlhhlawh paih pawh an man chat chat mai. Faina ah awareness campaign a ngai ve lo.

Hawh u Israel of the East hi i din ve mai ang u.

Read about Israell

LINK@misual

Advertisements

3 thoughts on “Israel of the East

  1. UT kan nih 1972 atanga Mizoram in Agriculture, Horticulture & Allied activities a hmasawnna kan neih dan hi a ropui lem lo hle. Kan pawisa hman ral zawng zawng atanga hlawhtlinna kan neih te hi chhut ta ngat ila, hma kan lak dan hi en nawn a tul tawh ni in a lang. Kum 2005 khan Ministry of Agriculture Krishi Bhawan, National Horticulture Board, Small Farmer’s Agri-Consortium, APEDA leh Ministry of Commerce Udyog Bhawan New Delhi te dawr turin ka zuk kal a, ka information collect khawm atanga ka ngaihdan ah chuan Mizoram sawrkar hian mumal zawk a heng department te hi a kal pui a ngai.
    Kan tlang ram ah hian large scale in agriculture hi kan kal pui theih a rin awm loh a, lui pui phai zawl kan neih te hi a area a zim em avang in. Chu tiang a nih chuan eng ah nge kan in concentrate tak ang? National Horticulture Board a scientists thenkhat ka kawm te chuan, Horticulture a kan in concentrate hian kan tih fuh an ring zawk daih. Mizoram hian potential kan lo nei tha viau a, kan sik leh sa, ruah tui leh kan ram lei lung hi a tawk em em a ni.
    Global Warming hi a nasat chhoh telh telh dawn avangin kan ecological system ti chhe chuang lo va technology introduce tur pawh tam tak a awm tawh. Kum zabi sawmhnih hnu lama tlang ram lo neih, lo hal dur dur kan la ching te hi a van chang kang lo tak em!!A nih leh eng tin nge kan kal pui ang? Mizoram hi climatic belt zawng hian then darh ta ila, chu tah chuan thlai, thei leh thil dang tha tur kha kan introduce mai dawn lawm ni? Entirnan…Hnahlan, Champhai leh a chheh vel ah chuan grape a tha duh em em a, khi lai chheh vel zawng zawng khi grape belt ah puang ta mai se. Leilet vel ah khi chuan dan pangngai in buh leh thil dang te pawh la tih chhun zawm mai se. Chu tiang bawk in khawthlang, hmar tlang dung leh chhim lamah pawh. Kan production pawh a variety a tam vak a ngai lo, a quantity tam se, a buyers tan pawh lei tham. Tin, kan zo khaw lam kut hna thawk tu te hi eng tin nge financially pawn kan support theih ang? I article pakhat a i rawn ziah ang khan micro-finance hi kan kal pui a ngai. Bangladesh ah khuan Grameen Bank ho an hlawh tling hle. Prof. Muhammad Yunus a pawn kum 2006 ah Nobel Peace Prize a hmuh phah tak kha. Kan land-holding systems te pawh hi en nawn a ngai tawh lawm ni? Tun a kan kal dan ang hi chuan kan zokhaw lam unau tam tak te hi ram nei lovin an la awm thei dawn tlat.
    Spices chung chang hi kan sawi teh ang. Kum 2005 khan kan sawhthing leh aieng hi laboratory a test turin ka keng thla a, CFTRI Mysore ah a then ka thawn thla bawk a. Kan sawhthing hi default in organic a ni ve hrim hrim mai a, oil & oleoresin content pawh a tha tawk hle. Kan aieng erawh chu a chi an sem kha a tha vak lo niang curcumin content a tlem. Karnataka ah khuan curcumin extraction project hi an kal pui nasa a, an production pawh a tha thaw khat. Meghalaya Lakadong khu a lo tha fal hle a, curcumin content pawh 8% lai a ni. Spices chung chang ka rawn tar lan na kher hi chu potential kan neih that em vang a ni. Spice Board hian a growers tan incentive tam tak a siam bakah, kan Zoram ah kher hi chuan kan champion pui in ka hria. US & Europe ah khu chuan an lo ching lo tih theih a ni. Labour intensive thil a lo nih avangin labour cost te a lo sang tawh a, third world countries atang in an import tlang pui. Supercritical Fluid CO2 hmang hian ginger oil & oleoresin leh curcumin extraction ti ta vak ila, low volume – high cost products a lo ni ang a, kan ti fuh viau mai lovang maw. CBI-EU hian Amsterdam ah khuan hmun pui an nei a, market information an pe thei vek. Supercritical Fluid CO2 chung chang chu Prof. Swapneshu Baser, Deptt of Chemical Engineering, IIT Bombay a biak theih e.
    Hnahlan Winery te a function chho ta bawk a, tlem kan belh ve teh ang. Bangalore Blues hi a category a sang vak lo, port wine level vel a ni. Zawi zawi a grape chi tha kan introduce chhoh a pawimawh. Tunah khian an khawl capacity khi 1.2 mt a ni a, an grape total production erawh chu 8.2 mt lai a tling thung. Mizoram sawrkar hian private players tan kawng hawng vat se a ti fuh ang. Chu tiang a nih loh chuan MIFCo ang vel hian an ral leh mai a hlauhawm!!
    Contract farming te hi introduce a hun viau tawh lawm ni?? Kan mi hausa leh awm thei zawk te hi involve thei tawh se. Bayer Cropscience India pawh hian sawrkar nena thawh ho a, Mizoram rawn luh an chak thu Satish Narang, Regional Head Eastern Region in min hrilh.
    Mizoram hian potential a nei tha lutuk a, kan la hmang tang kai thei si lo hian rual awh a va ti na em!!
    (Duh tawk phawt teh ang, ziah tur a tam. Israeli technology chung chang te pawh. Ka la rawn ziak zel dawn. Kan corporation te hi in lip se teh ang. Hma rawn la teh khai)

    • Ekhai rawn ziak zel rawh. I sawi dik lutuk kan kawng tur hi kan la zawh fuh miah lo – Mitdel Sai en te leh Chhura chengkek lo stage-ah kan la awm tlat. State changkang ber India-ah chuan Maharastra an ni awme, anni state hian Israel thiamna an chawklut nasa hle. AMFU ho reilo te zuk tirh bak hma kan la la tlem.

      India ram hi R&D lamah hian a san loh avang hian Biotechnology lamah pawh kan la hniam aniang, BT-Brinjal politics hial in min tihbuai hi le. Seed Act nei lova sawrkarin a ching tute seed an pe mai te hi Aieng issue i sawi hian a pawi zia a tilang. Heng ching tute hi zangnadawmna pek awm tak an nia sin.

      Multinational lian nen thawk ho ila contract farming chu apiang mai ang, tuna “Bagha vai ka thianpa” tih leh a ai sang hret ang hi chu a lo mawl em mai. Chutiangin kan Industral policy te pawh hi tih danglam a ngai ang. Kan dan siamtute lah hi an puitu babu ho in an thiam lo nge dan kan nei tha mawh hle mai si. thangthar te kan pen chhuah a ngai tak zet zet ani. Routine work a inchhaih buai tawk ho hi chuan thlen thui a har ani. Kan la sawi zel dawn nia, Board ho pawh hi rin leh duap an ni fo, farmers te hian heng Board ho laka vengtu hi an mamawh ania aw 😉

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s